Türkiyənin anamüxalifətçi Cumhuriyyət Xalq partiyasının (CHP) sabiq sədri Dəniz Baykalın evinə oğru girib. Hadisə paytaxt Ankarada yerləşən “Angora evləri” şəhərciyində baş verib. Məlumata görə, axşam saat 20.30-da evinə yaxınlaşan Baykal içərdən səslər eşidib. Dəniz Baykalın qışqırması ilə evdə olan 2 naməlum şəxs mətbəx qapısından çıxaraq qaçıb.

Qeyd edək ki, hadisə baş verdiyi vaxt sabiq liderin həyat yoldaşı Olcay Baykal evdə olmayıb, şübhəli şəxslər isə evdən heç nə aparmayıb.