Ziyad Səmədzadə "Şöhrət" ordeni ilə təltif edilib

Ziyad Səmədzadə “Şöhrət” ordeni ilə təltif edilib. Prezident İlham Əliyevin imzaladığı sərəncama əsasən, Ziyad Səmədzadə Azərbaycan Respublikasında iqtisadiyyat elminin inkişafındakı xidmətlərinə görə mükafatlandırılıb.

Qeyd edək ki, Ziyad Səmədzadə 1940-cı ilin iyun ayının 25-də Bakı şəhərinin Buzovna kəndində anadan olub. 1961-ci ildə Dövlət Universitetinin iqtisad fakültəsini fərqlənmə diplomu ilə bitirib. 1980-ci ildə Z.Səmədzadə Azərbaycan Respublikası Elmlər Akademiyasının müxbir üzvü, 1989-cu ildə isə Akademiyanın həqiqi üzvü seçilib.

1983-1993-cü illərdə Mərkəzi Komitədə İqtisadiyyat şöbəsinin müdiri, Ali Sovet sədrinin birinci müavini, baş nazirin birinci müavini, Dövlət Plan-İqtisad Komitəsinin sədri, TASİS və TRASEKA proqramları üzrə Azərbaycanın Milli koordinatoru olub.

Z.Səmədzadə TASİS proqramının Azərbaycanda fəaliyyətə başlaması üçün böyük zəhmət çəkib, milli koordinator, iqtisadçı-alim kimi TRASEKA proqramının hazırlanması ilə bağlı elmi araşdırmalar aparıb. ANSPRESS