Bəlli olduğu kimi, Xaçmazın Xraxoba kəndində yaşayan Rusiya vətəndaşlarının hüquqi vəziyyətlərinə dair problemlərin nizamlanması ilə bağlı Bakıda Azərbaycan-Rusiya məsləhətləşmələri keçirilib. Hazırda kənddə yaşayan 270 nəfərin problemini həll etmək üçün rəsmi Bakı 3 çıxış yolu təklif edib.

Məsələ ilə bağlı açıqlama verən Prezident Administrasiyasının İctimai-siyasi şöbəsinin müdiri Əli Həsənovun sözlərinə görə, əhali ilə danışıqlar aparılıb. O qeyd edib ki, həmin şəxslər Azərbaycan vətəndaşlağını qəbul edib, oradakı yaşayış hüquqlarını qanuniləşdirməli və ya Rusiya vətəndaşlığında qalaraq qanunun imkan verdiyi statusu müəyyən etməlidilər: “Ya da müvafiq olaraq öz yaşadıqları evləri sataraq və ölkəni ya tərk edərək Rusiya ərazisinə köçməlidir”. ANSPRESS