Respublikada qar yağacaq

Bu həftə ölkə ərazisində qeyri-sabit hava olacaq. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, bu gün Bakıda və Abşeron yarımadasında axşama doğru bəzi yerlərdə yağış yağacağı gözlənilir. Şimal-qərb küləyi əsəcək, axşama doğru yarımadanın bəzi yerlərində güclənəcək. Havanın temperaturu gündüz 19-21°, axşam 16-18° olacaq.

Oktyabrın 5-də buludlu hava şəraiti davam edəcək, yağış yağacağı proqnozlaşdırılır. Şimal-qərb küləyi əsəcək, gecə və səhər arabir güclənəcək. Havanın temperaturu gecə 14-16°, gündüz 17-20° təşkil edəcək.

Oktyabrın 6-da da yağış yağacağı ehtimal edilir. Gündüz havanın arabir açılacağı gözlənilir. Şimal-qərb küləyi əsəcək, arabir güclənəcək. Havanın temperaturu gecə 14-16°, gündüz 18-20° təşkil edəcək.

Oktyabrın 7-də dəyişkən buludlu, arabir tutqun hava olsa da gün ərzində əsasən yağmursuz olacağı gözlənilir. Şimal küləyi əsəcək, arabir güclənəcək. Havanın temperaturu gecə 15-17°, gündüz 19-21° olacaq.

Azərbaycanın rayonlarında sabah fasilələrlə yağış yağacağı gözlənilir. Əsasən gecə və axşam bəzi yerlədə leysan xarakterli intensiv olacağı ehtimalı var. Səhər ayrı-ayrı yerlərdə duman olacaq.
Qərb küləyi əsəcək, arabir güclənəcək. Havanın temperaturu gecə 13-16°, gündüz 18-23°, dağlarda gecə 6-9°, gündüz 10-15° olacaq.

Oktyabrın 6-7-də yağmurlu hava davam edəcək. Bəzi yerlərdə leysan xarakterli intensiv olacağı gözlənilir. Yüksək dağlıq ərazilərdə sulu qara, qara keçəcəyi ehtimalı var. Ayın 7-də gündüz tədricən kəsiləcək.

Səhər ayrı-ayrı yerlərdə duman. Qərb küləyi əsəcək, arabir güclənəcək. Havanın temperaturu gecə 12-15°, gündüz 18-23°, dağlarda gecə 4-8°, gündüz 9-14° təşkil edəcək.

Tibbi-meteoroloji proqnoz: Yaxın 3 gün ərzində Abşeron yarımadasında hava şəraitinin qeyri-sabit keçəcəyi, buludlu, rütubətli və küləkli havaların üstünlük təşkil edəcəyi gözlənilir ki, bu da əksər meteohəssas insanlarda narahatlıq hissi yarada bilər. ANSPRESS