Prezident Monteneqronun xarici işlər nazirini qəbul edib

APA-nın məlumatına görə, M. Roçe səfərinin Azərbaycanda “Ümid” yatağının açılması ilə eyni vaxta təsadüf etməsindən məmnunluğunu bildirib, bu hadisənin Avropa və bütün dünya miqyasında əhəmiyyətini qeyd edib.

Ölkəsinin Azərbaycanla bütün sahələrdə əməkdaşlıq etməyə maraqlı olduğunu vurğulayan nazir bildirib ki, səfərinin əsas məqsədi ikitərəfli münasibətləri inkişaf etdirməkdir.

Dövlət başçısı “Ümid” yatağında kəşfiyyat işlərinin uğurla başa çatmasına toxunaraq, bu yataqda böyük qaz ehtiyatlarının olmasının əhəmiyyətini vurğulayıb.

Görüşdə ikitərəfli əlaqələrin müxtəlif sahələrdə inkişaf etdirilməsi ilə bağlı fikir mübadiləsi aparılıb.