Son illər turizm ölkə iqtisadiyyatı üçün prioritet sahəyə çevrilib, turizm sahəsində ixtisaslı kadrların hazırlanması üçün Azərbaycan Turizm İnstitutu yaradılıb. Bunu bu gün Mədəniyyət və Turizm Nazirliyinin yaradılmasından 5 il ötməsi münasibəti ilə keçirilən tədbirdə mədəniyyət və turizm naziri Əbülfəs Qarayev deyib.

Ə.Qarayev "Turizm ili" çərçivəsində görüləcək işlər barədə də danışıb. “Bu il zəngin tədbirlərlə doludur. O cümlədən paytaxt və regionlarda tikiləcək turizm yerlərin sayı artırılacaq. Beynəlxlaq tədbirlərə də burada geniş yer veriləcək. Bütün bunlar ötən il təsdiq edilmiş “Dövlət turizm inkişafı proqramı” çərçivəsində həyata keçiriləcək”,- deyə o vurğulayıb. ANSPRESS