Dördüncü çağırış Azərbaycan Milli Məclisinin bu gün keçirilən ilk iclası başa çatıb. İclasda Azərbaycan prezidenti İlham Əliyev çıxış edərək ölkədə son illər aparılan iqtisadi və siyasi islahatlardan danışıb.

Daha sonra parlamentin yeni tərkibi səsverməyə çıxarılaraq təsdiqlənib. Səsvermə nəticəsində Oqtay Əsədov yenidən Milli Məclisin sədri, Ziyafət Əsgərov sədrin birinci müavini, Bahar Muradova və Valeh Ələsgərov isə müavin seçiliblər.