Bu gün Mərkəzi Seçki Komissiyasının (MSK) növbəti iclası keçirilib. İclasda 2010-cu il noyabrın 7-də keçirilmiş Milli Məclisə seçkilərlə bağlı MSK-ya daxil olmuş müraciətlərə baxılıb. Müraciətlər barədə MSK katibi Natiq Məmmədov, MSK üzvləri Qabil Orucov, Validə Kazımova, Ramiz İbrahimov və Nizami Nadirov məlumat verib.

Müraciətlərdən 7-i araşdırılıb, 4-ü geri qaytarılıb, ikisi isə ümumiyyətlə təmin edilməyib. 89 saylı Göyçay-Ağdaş seçki dairəsi üzrə daxil olmuş müraciət isə aidiyyatı üzrə Respublika Baş Prokurorluğuna göndərilib.