Bu gün Qaradağ rayon məhkəməsində hakim Orxan Rüstəmovun sədrliyi ilə "Boshelf" neft şirkətinin işi ilə bağlı məhkəmə prosesi keçirilib. Neftçilərin Hüquqlarını Müdafiə Təşkilatının rəhbəri Mirvari Qəhrəmanlı ANS PRESS-ə açıqlamasında bildirib ki, məhkəmədə "Boshelf"in keçmiş işçisi Vüqar Şahverdiyevin iddiaları təmin olunub.

Qeyd edək ki, iyul ayının 7-də şirkəti məhkəməyə verən "Boshelf"in keçmiş işçisi Vüqar Şahverdiyev işdən kənarlaşdırılmasının qeyri-qanuni olduğunu iddia edib. Onun hüquqlarını hüquqşünas Azər Quliyev müdafiə edib. Onu da xatırladaq ki, Vüqar Şahverdiyev Milli Qəhrəman İsrafil Şahverdiyevin oğludur. ANSPRESS