Yerli sakinlərin sözlərinə görə, sürüşmə bu il senytabrın 15-də başlansa da, son günlər yağan güclü yağışlar prosesi daha da fəallaşdırıb.

Qeyd edək ki, 8 kəndin daxil olduğu Bürsülüm ərazi vahidliyində 1500 nəfər əhali yaşayır. Sürüşmə zonası 5 hektaradək ərazini əhatə edib. Yerli sakinlərin sözlərinə görə, əgər sürüşmə intensivləşərsə, 15-ə qədər fərdi yaşayış evi ziyan çəkə bilər. Artıq 3 evdə çatların əmələ gəldiyi müşahidə olunur.

Lerik Rayon İcra Hakimiyyəti başçısının müavini, rayon fövqəladə hallar komissiyasının sədri Habil Məlikov APA-nın yerli bürosuna Bürsülüm kəndində yaranmış mövcud vəziyyət barədə rayon rəhbərliyinin məlumatlı olduğunu bildirib. Onun sözlərinə görə, Ekologiya və Təbii Sərvətlər Nazirliyi ilə Fövqəladə Hallar Nazirliyinin mütəxəssislərinin birgə iştirakı ilə əraziyə baxış keçirib. Baxış zamanı 5 hektar sahənin sürüşməyə məruz qaldığı təsdiqini tapıb və həmin ərazi nəzarətə götürülüb. Vəziyyət barədə həmçinin respublika Nazirlər Kabinetinə də məlumat verilib. H. Məlikov sürüşmənin hələlik passiv olduğunu deyib, bununla belə yağışlı hava şəraitində prosesin intensivləşəcəyi istisna etməyib. APA