Bu gün Bakı və Abşeron yarımadasında havanın buludlu olacağı, arabir açılacağı gözlənilir. Ekologiya və Təbii Sərvətlər Nazirliyi Milli Hidrometeorologiya Xidmətindən ANS PRESS-ə verilən məlumata görə, şimal-şərq küləyi əsəcək. Havanın temperaturu gündüz 23-26°, axşam 21-23°. Abşeron çimərliklərində dəniz suyunun temperaturu 24-25° olacaq.

Sabah isə havanın dəyişkən buludlu olacağı, əsasən yağmursuz keçəcəyi gözlənilir. Arabir buludluluğun artacağı, yarımadanın bəzi yerlərində qısamüddətli az yağış yağacağı ehtimal olunur. Cənub-şərq küləyi əsəcək. Havanın temperaturu gecə 19-22°, gündüz 26-28° olacaq. Abşeron çimərliklərində dəniz suyunun temperaturu 24-25° olacaq.

Avqustun 25-də isə hava dəyişkən buludlu olacaq. Əsasən yağmursuz keçəcək. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə 20-23°, gündüz 27-31° oalcaq. Avqustun 26-da isə havanın dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Cənub-şərq küləyi əsəcəyi, havanın temperaturunun gecə 20-23°, gündüz 28-31° olacağı gözlənilir.

Azərbaycanın rayonlarında isə avqustun 24-də gündüz əsasən yağmursuz olacaq. Lakin gecə və axşam bəzi yerlərdə şimşək çaxacağı, yağış yağacağı gözlənilir. Şərq küləyi əsəcək, havanın temperaturunun gecə 17-22°, gündüz 26-31°, dağlarda gecə 11-13°, gündüz 19-24° olacağı proqnozlaşdırılır.

Avqustun 25-26-da isə rayonlarda gündüz əsasən yağmursuz, lakin gecə və axşam bəzi yerlərdə şimşək çaxacağı, yağış yağacağı gözlənilir. Şərq küləyi əsəcək və havanın temperaturu gecə 18-23°, gündüz 28-33°, dağlarda gecə 11-15°, gündüz 19-24° olacaq.

Yaxın 3 gün ərzində Abşeron yarımadasında iqlim normasına yaxın temperatur şəraiti və meteoroloji amillərin zəif və mülayim tərəddüdləri əksər meteohəssas insanlar üçün əsasən əlverişlidir. ANSPRESS