Bu il Novruz bayramı münasibətilə Bakıda böyük bayram şənlikləri təşkil olunacaq. Bakı şəhər İcra Hakimiyyətinin mətbuat xidmətindən ANS PRESS-ə verilən məlumata görə, bu gün İlaxır Çərşənbə bayramı münasibətilə Qız Qalasının qarşında konsert keçiriləcək.

Əvvəlcə saat 12:00-da “Azneft” meydanından dəvə karvanı Suraxanı rayonundakı "Atəşgah" abidəsinə yola düşəcək. Ötən il olduğu kimi “Atəşgah”dan gətiriləcək odla Qız Qalasının üzərində qurulmuş üç məşəl yandırılacaq.

Saat 19.00-da isə Qız Qalasının qarşısında konsert proqramı başlayacaq. Konsertin sonunda, həmçinin martın 20-də Milli Parkda atəşfəşanlıq təşkil ediləcək.