Bakıda yağış yağacaq

Bakıda və Abşeron yarımadasında bu gün axşam buludluluğun artacağı, gecəyə doğru yarımadanın bəzi yerlərində az yağış yağacağı ehtimalı var. Ekologiya və Təbii Sərvətlər Nazirliyinin Milli Hidrometeorologiya Departamentindən ANS PRESS-ə verilən məlumata görə, şimal küləyi əsəcək. Havanın temperaturu gündüz 12-14° isti, axşam 8-10° isti olacaq.

Dekabrın 21-də buludlu hava şəraitinin üstünlük təşkil edəcəyi, səhər və axşam bəzi yerlərdə yağış yağacağı proqnozlaşdırılır. Şimal-şərq küləyi gündüz cənub küləyi ilə əvəz olunacaq. Havanın temperaturu gecə 5-7° isti, gündüz 13-15° isti təşkil edəcək.

Dekabrın 22-də hava buludlu olacaq, gecə və səhər az yağış yağacağı ehtimalı var. Gündüz havanın açılacağı, əsasən yağmursuz keçəcəyi gözlənilir. Cənub-qərb küləyi əsəcək. Havanın temperaturu gecə 7-9° isti, gündüz 14-16° isti təşkil edəcək.

Dekabrın 23-də hava dəyişkən buludlu olsa da, əsasən yağmursuz keçəcək. Cənub-qərb küləyi əsəcək, gündüz arabir güclənəcək. Havanın temperaturu gecə 9-11° isti, gündüz 14-17° isti təşkil edəcək.

Azərbaycanın rayonlarında sabah gecə və səhər bəzi yerlərdə duman, şərq rayonlarında isə az yağış yağacağı ehtimalı var. Şərq küləyi əsəcək. Havanın temperaturu gecə 2-7° isti, gündüz 13-18° isti,
dağlarda gecə 0-5° isti, gündüz 9-14° isti olacaq.

Dekabrın 22-23-də gecə və səhər bəzi yerlərdə duman olacaq. Cənub-qərb küləyi əsəcək, əsasən dağlıq rayonlarda arabir güclənəcək. Havanın temperaturu gecə 4-9° isti, gündüz 14-19° isti, dağlarda gecə 0-4° isti, gündüz 10-15° isti olacaq.

Yaxın 3 gün ərzində Abşeron yarımadasının hava şəraitində mühüm dəyişiklik gözlənilmir. Meteoroloji amillərin zəif və mülayim tərəddüdləri meteohəssas insanlar üçün əsasən əlverişlidir.