Bu gün Bakıda və Abşeron yarımadasında hava şəraitinin tutqun olacağı, yarımadanın bəzi yerlərində az çiskin olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən ANS PRESS-ə verilən məlumata görə, şimal-şərq küləyinin sürəti 8-13 metr/saniyə, gündüz isə cənub-şərq küləyinin sürəti 9-14 metr/saniyə təşkil edəcək, arabir 16-18 metr/saniyəyədək güclənəcək. Havanın temperaturu gecə müsbət 2-4, gündüz müsbət 6-8 dərəcə təşkil edəcək.

Azərbaycanın rayonlarında gündüz havanın əsasən yağmursuz, lakin axşam saatlarında bəzi yerlərdə yağıntılı olacağı gözlənilir. Şərq küləyinin sürəti 5-10 metr/saniyə təşkil edəcək, arabir güclənəcək. Havanın temperaturu gecə 0-4, gündüz müsbət 7-12 dərəcə, dağlarda gecə 1-6 dərəcə şaxta, gündüz 0-5 dərəcə olacaq. ANSPRESS