Bakıda mağazaya basqın edən şəxslər tutulub. Bakı şəhər Baş Polis İdarəsindən verilən məlumata görə, Şüvəlan qəsəbə sakini Habil Əliyev polis bölməsinə gələrək bildirib ki, noyabrın 22-nə keçən gecə qəsəbədə yerləşən ona məxsus mağazadan 150 manat və ərzaq məhsulları oğurlanıb.

Xəzər Rayon Polis İdarəsi 1-ci polis bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinənlər, əvvəllər məhkum olunmuş Rahib Həbibov və Anar Quliyev noyabrın 23-də yaxalanıb.

Onların ətrafında aparılan araşdırma nəticəsində məlum olub ki, onlar noyabrın 16-ı saat 05:30 radələrində həmin qəsəbədə Məmmədağa Əliyevə məxsus mağazada satıcı işləyən Nadir Əliyevi də bıçaqla hədələyərək pul tələb ediblər. Lakin məqsədlərinə çatmadan oradan uzaqlaşıblar.

Araşdırma davam edir.