. Qazaxıstanın Azərbaycandakı səfiri Serik Primbetov Bakıda noyabrın 18-də keçirilən Xəzəryanı ölkələrin dövlət başçılarının zirvə toplantısını yüksək qiymətləndirib. APA-nın xəbərinə görə, S. Primbetov Bakıda keçirdiyi mətbuat konfransında bildirib ki, 2010-cu il Qazaxıstan-Azərbaycan münasibətlərində sıçrayış ili olub: “Azərbaycanda keçirilmiş üçüncü Xəzər sammiti də bu baxımdan çox əlamətdar oldu. Sammit çərçivəsində bir sıra vacib qərarlar qəbul edildi. Bu, tərəflərə Xəzərdə təhlükəsizlik məsələsinə dair ümumi razılığa gəlməyə imkan verəcək”.