Dünyanın ən gözəl buz heykəlləri hazırlanan ən maraqlı ərazilərindən biri Murmansk rayonunda Xibinski dağındadır. Hər il dünyanın müxtəlif ərazilərindən bura qar və buzların sehrli dünyasına qərq olmaq üçün çoxlu sayda turistlər gəlir.

Söhbət Kirovsk şəhərinin yaxınlığında yerləşən “Qar kəndi” adlanan ərazidən gedir. Yeni İli keçirmək üçün heç də Avropanın bahalı və möhtəşəm otellərində üz tütmaq elə də vacib deyil. Bu əraziyə baş çəkən turistlər xizək sürə, istiarahət edə, muzeyləri ziyarət edə bilərlər.

Şəhərdən bir neçə kilometr aralıda yerləşən “Qar kəndi”ndə havanın temperaturu -5 dərəcədən yuxarı qalxmır. Hər il burada tamamilə yeni proyekt təşkil olunur, yeni və maraqlı kompozisiyalar hazırlanır.

Qeyd edək ki, təkcə keçən il bu ərazini 15 min turist ziyarət edib.