Bakı şəhəri, Yasamal rayonu ərazisində evlərin birində partlayış baş verib. ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, vətəndaşa məxsus ümumi sahəsi 75 kv.m olan birmərtəbəli üçotaqlı evin hamamında partlayış baş verib.

Nəticədə, 1 kv.m sahədə pəncərə çərçivəsi yanıb. Ev sakini xəsarət alaraq xəstəxanaya aparılıb. Evin qalan hissəsi yanğınsöndürənlər tərəfindən yanğından mühafizə olunub. Yanğın saat 13:20-də yanğınsöndürənlər tərəfindən söndürülüb. İlkin ehtimala görə, partlayışa propan qaz balonunda yaranmış sızma səbəb olub.