Yasamal rayon polis idarəsi narkotiklərlə mübarizə bölməsinin əməkdaşları 37 yaşlı İmanquliyev Kamal İmanqulu oğlunun həbs edib. Saxlanılan şəxs ümumi çəkisi 500 qrama yaxın olan narkotik vasitə qurudulmuş marixuananı satmaq istəyən zaman iş başında yaxalanıb. Qeyd edək ki, istintaq zamanı ifadə verən Kamal marixuananı satmaq niyyəti ilə yox, öz istifadəsi üçün əldə etdiyi bildirib.

Amma narkotik vasitənin çəkisinin çoxlüğü Kamalın ifadəsininin səmimiliyini şübhə altına qoyur. Qeyd edək ki, saxlanılan şəxs əvvəllər də narkotik vasitələri əldə edib saxladığına görə 3 dəfə məhkumluq həyatı yaşayıb.

Faktla bağlı Kamal İmnquliyev barəsində Yasamal rayon polis idarəsində cinayət məcəlləsinin qanunsuz olaraq külli miqdarda narkotik vasitələrəi əldə edib saxlama maddəsi ilə cinayət işi başlanılıb. Hazırda istintaq tərəfindən Kamalın marixuananı əldə etdiyi mənbənin də müəyyən edilməsi istiqamətində əməliyyat istintaq tədbirləri davam etdirilir.