Yardımlı rayonu, Bozayran kəndində yol-qəza hadisəsi nəticəsində vətəndaşa məxsus "Niva" markalı, minik avtomobili idarəetməni itirərək yolun kənarındakı evə çırpılıb. ANS PRESS-in Fövqəladə Hallar Nazirliyinin rəsmi saytına istinadən verdiyi məlumata görə, nəticədə "Niva" markalı avtomobilin yanar hissələri və vətəndaşa məxsus ümumi sahəsi 55 kv.m olan bir mərtəbəli, 3 otaqlı evin dam örtüyünün yanar konstruksiyaları 2 kv.m sahədə yanıb.

Qəza nəticəsində avtomobilin sürücüsü 1980-ci il təv. Ə.İ.Quliyev və avtomobildə olan sərnişin 1973-cü il təv. İ.İ.Quliyev aldıqları ağır bədən xəsarətlərindən hadisə yerində dünyalarını dəyişiblər. Digər sərnişin 2004-cü il təv. Quliyev Ayxan Rizvan oğlu ağır bədən xəsarətləri ilə xilasedicilər tərəfindən avtomobildən çıxarılaraq təcili yardım xidmətinə təhvil verilib.