Şamaxı rayonunun Göylər kəndi ərazisində ölümlə nəticələnən yol-nəqliyyat hadisəsi baş verib. Şamaxı rayon polis şöbəsinin rəis müavini Azad İsmayılovun ANS PRESS-ə verdiyi məlumata görə, 54 yaşlı Əli Əsgər oğlu Qocayev idarə etdiyi 06-BC-148 dövlət nömrə nişanlı “VAZ 2105” markalı avtomobillə qarşı tərəfdən gələn 28 yaşlı Ramil Mirzəxan oğlu Məmmədovun idarə etdiyi “VAZ-2106” markalı maşınla toqquşub. Hadisə "VAZ 2106" markalı maşının digər maşının hərəkət yolunu keçməsi nəticəsində baş verib.

Nəticədə ağır daxili bədən xəsarətləri alan “VAZ-2105”in sürücüsü dünyasını dəyişib. Digər sürücü isə yüngül xəsarətlərlə xəstəxanaya yerləşdirilib. Onun vəziyyəti normaldır.

Rəis müavininin məlumatına görə, ölən sürücü 10 ildən çox Şamaxı rayon Polis Şöbəsinin sahə polis nəfəri vəzifəsində xidmət edən serjantı imiş. O, hadisə zamanı xidməti ərazidən qayıdırmış.

Faktla bağlı ekspertiza təyin olunub, araşdırma aparılır. ANSPRESS