Türkiyənin Diyarbəkir vilayətindəki marketlərdən birində partlayış baş verib. ANS PRESS “CNN Türk”ə istinadən xəbər verir ki, şəhərdəki yanacaqdoldurma məntəqələrindən birindəki 3 mərtəbəli marketdə baş vermiş hadisə 13 nəfərin müxtəlif dərəcəli xəsarət alması ilə nəticələnib. Yaralılar təcili yardım avtomobilləri ilə Diyarbəkirin müxtəlif xəstəxanalarına çatdırılıb.

Hadisənin baş verdiyi yerdə araşdırma aparan Diyarbəkir valisi Mustafa Torpak partlayışın maye qaz çənindən sızan qaz səbəbilə baş verdiyini deyib. Vali həmçinin yanacaqdoldurma məntəqəsi ilə marketin eyni binada yerləşdiyini bildrib.

Qeyd edək ki, partlayış səbəbilə yaxınlıqda olan bir çox evin pəncərə şüşələri də sınıb.