Türkiyə vətəndaşı Qazaxda qəza törətdi

Bu gecə Qazaxda ölümlə nəticələnən yol qəzası baş verib. ANS PRESS-in Daxili İşlər Nazirliyinin mətbuat xidmətinə istinadla verdiyi məlumata görə, saat 00.30 radələrində Qazax rayonu ərazisində 1-ci Şıxlı kənd sakini Məhəmməd Yusifovun idarə etdiyi "Mercedes" markalı və Türkiyə vətəndaşı Şaban Köç Mustafa oğlunun idarə etdiyi "TİR Skanya" markalı avtomaşınlar toqquşub. Nəticədə xəsarətlə xəstəxanaya yerləşdirilmiş M.Yusifov orada ölüb. DİN BDYPİ tərəfindən araşdırma aparılır.