Bakının Səbail rayonu ərazisində Türkiyə vətəndaşı dünyasını dəyişib. Səbail rayon Polis İdarəsindən Trend-ə verilən məlumata görə, iyulun 24-də, saat 15:30 radələrində Cənub körpüsü adlı ərazidə “Azfen” istehsalat sahəsinin həyətində Türkiyə vətəndaşı, 1961-ci il təvəllüdlü Ali Sükü Murat idarə etdiyi yük avtomobilinin sükanı arxasında dünyasını dəyişib.

Hadisə baş verən zaman yük avtomobili dayanmış vəziyyətdə olub. Faktla bağlı rayon prokurorluğunda araşdırma aparılır.