Bu gün səhər saatlarında Bakıda ağır yol-nəqliyyat hadisəsi baş verib. Sabunçu rayon Polis İdarəsindən ANS PRESS-ə verilən məlumata görə, Sabunçu rayonu ərazisində körpünün üstündə Mərdəkan istiqamətində gedən “VAZ-2106” markalı avtomobil “Kamaz”la toqquşub. Qəza nəticəsində iki nəfər xəsarət alıb.

Yaralılar 3 saylı şəhər xəstəxanasına gətiriliblər. Tibb ocağından ANS PRESS-ə verilən məlumata görə, onlardan biri reanimasiyaya yerləşdirilib, digərinin vəziyyyəti isə yüngüldür.

Faktla bağlı Sabunçu Rayon Polis İdarəsində cinayət işi başlanılıb, araşdırma aparılır. ANSPRESS