Rusiyanın Baykalətrafı dairəsində meşə yanğınları bütöv bir qəsəbə üçün təhlükə törədib. Meşə yanğınının 120-dən çox elektrik naqili dirəyinə ziyan vurması nəticəsində yaşayış məntəqəsində 3000 sakin işıqsız qalıb. 5 gündür davam edən yanğın Onon-Baza qəsəbəsini, demək olar ki, məhv edib. Qəsəbədəki 270 evdə yaşayan 4500 sakin təcili evakuasiya edilib. 35 ev tamamilə külə dönüb. Xəsarət alan olmayıb. Bütün qəsəbə qara tüstü içindədir. Yanğınsöndürmə işlərinə 300-dən çox yanğınsöndürən və 8 aviasistern cəlb edilib. Qəsəbə ətraf aləmdən tam təcrid olub. Alov artıq 16 kilometr məsafədə irəliləyib.

Qeyd edək ki, Baykalətrafı bölgəsində meşə yanğınlarına bir neçə aydır davam edən quraq hava səbəb olub.