Qusar rayonunda bıçaqlanma hadisəsi baş verib. HadisQusar şəhəri Cəfər Cabbarlı küçəsində yerləşən 5 nömrəli məktəbin qarşısında baş verib. Qusar rayon polis şöbəsinin baş müstəntiqi Məhəmməd İbrahimovun ANS PRESS-in müxbirinə verdiyi məlumata görə, Tolstoy, 25 ünvanında yaşayan, əvvəllər Rusiyada cinayət törətdiyinə görə məhkum edilmiş 32 yaşlı Eyvaz Əlipolad oğlu Nağıyev Cəfər Cabbarlı küçəsində yerləşən 5 nömrəli məktəbin qarşısında qonşusu, Tolstoy, 13 ünvanında yaşayan Araz Pirəhməd oğlu Pirəhmədovu bıçaqlayıb. Yaralı dərhal Qusar rayon Mərkəzi xəstəxanasının cərahiyyə şöbəsinə çatdırılıb. Bıcaq zərbəsi onun qarın nahiyyəsinin ön divarına nüfuz edib.

Qusar polisi hadisəni törədən şəxsi yaxalayıb. Eyvaz Nağıyev ANS PRESS-ə hadisəni törədərkən sərxoş vəziyyətdə olduğunu etiraf edib. Cinayətkar eyni zamanda Araz Pirəhmədovun özünün və anasının müəllimi olduğunu və ona böyük hörmət bəslədiyi bildirib. Törətdiyi hadisədən də peşiman olduğunu söyləyib.

Faktla bağlı Qusar rayon polis şöbəsində istintaq bölməsində araşdırma aparılır. ANSPRESS