Qusar rayonunda mənzildə yanğın hadisəsi qeydə alınıb. ANS PRESS-in bölgə müxbirinin məlumatına görə, hadisə bu gün səhər saat 05.00 radələrində rayon mərkəzindən 36 kilometr aralıda yerləşən Həzrə kəndində baş verib.

Yanğın 63 yaşlı Maqsud Məhəmməd oğlu Qədimova məxsus ikimərtəbəli fərdi yaşayış evinin qarajında başlayıb. Tez bir zamanda alov bütün evi bürüyüb.

Fövqəladə Hallar Nazirliyinin Dövlət Yanğındam Mühafizə Hissəsinin 2 yanğınsöndürən maşını hadisə yerinə yollansa da, yollar buzlu və cətin olduğundan ora gec çatıb. Bununla belə, saat 07.30-da yanğın tam söndürülüb. Hissənin rəisi Güləhməd Zəkiyevin bölgə müxbirinə verdiyi məlumata görə, yanğın zamanı 250 kv.m olan mənzilin 75 kv.m hissəsi yanıb.

Hadisə zamanı xəsarət alan olmayıb.

Yanğının baş vermə səbəbi araşdırılır.