Bu gün səhər saatlarında Quba şəhərində yağın baş verib. Hadisə Məmmədəmin Rəsulzadə 81 ünvanında olub. Olay nəticəsində 76 yaşlı Balayeva Şamama Gülbala qızı sifət hissəsindən yanğın xəsarəti alıb. Hadisə yerinə gələn Fövqəladə Hallar Nazirliyinin Quba rayon üzrə Yanğından Mühafizə Hissəsi yanğının qarşısını ala bilib.

Hissənin rəisi Əzizağa Qasımovun ANS PRESS-ə verdiyi məlumata görə, yanğın nəticəsində ciddi xəsarət alan olmayıb və yanğının geniş vüsət almasının qarşını alınıb. Nəticədə bir dəst yorğan-döşək və xalça yanıb.

Hazırda yanğının baş vermə səbəbləri araşdırılır. ANSPRESS