Rusiyanın Çeçenistan Respublikasının Qroznı şəhərinin Oktyabr rayonunda partlayış baş verib. Hüquq-mühafizə orqanlarının məlumatına görə, partlayış nəticəsində Xüsusi Təyinatlı Milis Dəstəsinin (OMON) üç əməkdaşı xəsarət alıb.

XTMD əməkdaşları Qroznının Dərbənd küçəsində yerləşən dördmərtəbəli binadakı mənzillərdən birində silahlının gizlənməsi barədə məlumatı yoxlamağa gedirlərmiş. Onlar binaya yaxınlaşdıqda partlyış baş verib. İlkin məlumatlara görə, partlayıcı qurğu binanın birinci mərtəbəsindəki kafenin manqalının yanına yığılan kömür torbalarının arasında gizlədilib.

Ümumilikdə, ötən gün Çeçenistan paytaxtında üç partlayış baş verib. Baş vermiş digər iki partlayış nəticəsində iki nəfər xəsarət alıb.