Qaradağ rayonunun Qobustan qəsəbəsində yanğın baş verib. Şahidlərin ANS PRESS-ə verdiyi məlumata görə, yanğın Qobustan qəsəbəsinin Kəşfiyyatçılar məhəlləsində 20 ailənin yaşadığı iki mərtəbəli yaşayış binasında baş verib. Təxminən saat 21.00 radələrində başlayanan yanğının qarşısını hələ də almaq mümkün olmayıb.

Əraziyə FHN-nin Yanğından Mühafizə Xidmətinin bir neçə yanğınsöndürən maşını və "Təcili yardım" briqadaları cəlb edilib.

Məlumatı FHN-nin Yanğından Mühafizə Xidməti təsdiq edib. Xidmətin "qaynar xətti"ndən ANS PRESS-ə verilən məlumata görə, yanğının söndürülməsi və ətraf binalara keçməsinin qarşısını almaq üçün işlər görülür. Xəsarət alanlar barədə hələlik heç bir məlumat yoxdur. ANSPRESS