Ötən axşam Bakının Qaradağ rayonu ərazisində, Bakı Kənar Dairəvi Yolunun 11-ci kilometrliyində baş verən ağır qəza nəticəsində ölənlərin şəxsiyyəti bəlli olub. ANS PRESS-in Daxili İşlər Nazirliyinin rəsmi saytına istinadla verdiyi məlumata görə, bunlar qəzaya uğrayan Qax-Bakı avtobusunu idarə edən Eldar Vahidov və sərnişini Lizi Veroşpilidir. Hər iki şəxs hadisə yerindəcə dünyalarını dəyişiblər.

Qeyd edək ki, E.Vahidov "Daewoo" markalı avtobusu idarə edərkən onu Naib Nəzərəliyevin idarə etdiyi "Ford" markalı avtomaşına, sonra isə qarşıda gedən Salyan rayon sakini Əhmədağa Cəbrayılovun idarə etdiyi "KamAZ" markalı avtomaşına vurub. Qəza nəticəsində xəsarət alan 15 nəfər xəstəxanaya yerləşdirilib.