Bu gün saat 10.30 radələrində Hacıqabul rayonunda “Qarasu Oil” şirkətinin neft quyusunda bədbəxt hadisə baş verib.

ANS PRESS-in bölgə müxbirinin verdiyi məlumata görə, şirkətin elektrik çilingəri işləyən 1975-ci il təvəllüdlü Ağayev Oleq Siyasətoviçin başına yük qaldıran kranının qarmağında olan yük düşüb.

Hadisə nəticəsində Oleq Ağayev aldığı xəsarətlərdən yerində ölüb. Faktla bağlı Hacıqabul rayon Prokurorluğunda cinayət işi başlanıb. Araşdırma aparılır.