Ötən il baş verən oğurluq hadisəsinin üstü açılıb. Bakı Şəhər Baş Polis İdarəsindən ANS PRESS-ə verilən məlumata görə, hadisə 2009-cu il oktyabr ayının 30-da baş verib.

Belə ki, Montin qəsəbəsi Daş karxanası küçəsində yaşayan Solmaz Əhmədovanın evindən açıq qapıdan daxil olmaqla mobil telefon və qızıl-zinət əşyaları oğurlanıb. Nərimanov rayon Polis İdarəsinin 17-ci Polis Bölməsinin əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Mübariz Zülfüqarov ötən gün saxlanılıb. ANSPRESS