Ötən gecə Moskvanın cənubunda Moskvoreçye küçəsindəki 31 saylı evin qarşısında iş adamı Aleksandr Filçenko qətlə yetirilib. Məlumatı İnterfaksa hüquq mühafizə orqanlarındakı mənbə deyib. Həmin mənbənin məlumatına görə hadisə yerli vaxtla gecə 00.30-da (Bakı vaxtıyla 01.30) baş verib. Avtomobilindən düşüb evinə getmək istərkən naməlum silahlı Filçenkonun qarın və baş nahiyəsindən 2 dəfə atəş açıb. İş adamı aldığı yaralardan elə yerindəcə keçinib. Hələlik faktla bağlı hüquq mühafizə orqanlarından rəsmi məlumat verilməyib.