Ötən gün Bakı şəhərinin Səbail rayonu ərazisində yanğın hadisəsi baş verib. Rayon Polis İdarəsindən lent.az-a verilən məlumata görə, Nizami küçəsində yerləşən “Nərgiz” ticarət mərkəzinin mətbəxində yanğın başlayıb.

Yanğın mətbəxin havatəmizləmə borusunda yığılmış yağ kütləsinin alışması nəticəsində qeydə alınıb.

Hadisə yerinə çağırılmış yanğınsöndürənlər yanğının daha geniş miqyas almasının qarşısını alıb. Xəsarət alan olmayıb.