Bu gün Kənd Təsərrüfatının İqtisadiyyatı İnstitutunda akademik Ziyad Səmədzadənin sədrliyi ilə keçirilən dissertasiya şurasının iclasında iddiaçı vəfat edib. Kooperasiya Universitetinin müəllimi Abil Məmmədovun müdafiə prosesində ürəyi dayanıb. İlkin məlumata görə, A.Məmmədov infarkt keçirib.

Qeyd edək ki, son vaxtlar dissertasiya müdafiələri ilə bağlı qaydaların sərtləşdirilməsi ciddi müzakirə mövzusu olub. Görünür ki, iddiaçı da buna görə, həddindən artıq həyəcanlanıb.

Təcili və təxirə salınmaz tibbi yardım stansiyasının sözçüsü Rauf Nağıyev belə bir hadisənin baş verdiyini təsdiqləyib. Amma o, bu barədə ətraflı məlumata malik olmadığını deyib. R.Nağıyev məsələ ilə hüquq-mühafizə orqanlarının məşğul olduğunu vurğulayıb. ANSPRESS