Milli Təhlükəsizlik Nazirliyi tərəfindən axtarışda olan şəxs Azərbaycanı tərk edərkən sərhədçilər tərəfindən saxlanılıb. Bu barədə məlumat Dövlət Sərhəd Xidmətinin saytında yerləşdirilib.
Bu, Milli Təhlükəsizlik Nazirliyi tərəfindən axtarışda olan, Xaçmaz rayon sakini, 1981-ci il təvəllüdlü Süleymanov Faiq Süleyman oğludur. O, aprel ayının 10-da Azərbaycan ərazisini tərk etməyə cəhd göstərərkən "Yalama" sərhəd nəzarəti məntəqəsinin "Xanoba" keçid bölməsində Dövlət Sərhəd Xidmətinin əməkdaşları tərəfindən saxlanılaraq aidiyyəti üzrə təhvil verilib.