APA-nın “RİA Novosti”yə istinadən verdiyi məlumata görə, milisdəki mənbələr bildirib ki, güllə yaraları almış hər iki Azərbaycan vətəndaşı dünyasını dəyişib. Hadisəni törədən şəxs isə hadisə yerindən qaçaraq gizlənib.

İnsident İzmaylov şossesində yerləşən “Vernisaj” bazarında baş verib. Hazırda əməliyyat-istintaq qrupu hadisə yerində iş aparır, ölənlərin şəxsiyyəti və hadisəni törədən şəxsin əlamətləri dəqiqləşdirilir.

Hadisə yeri milislər tərəfindən əhatəyə alınıb, əməliyyatçılar şahidlərdə ifadələr alırlar.