Bu gün saat 13:00 radələrində Mehdi Hüseyn küçəsində yol-nəqliyyat hadisəsi baş verib. Belə ki, “Hunday Sonata” markalı maşın qarşıda gedən “Mersedes”i arxadan vurub. Nəticədə “Mersedes” markalı maşını idarə edən İlqar Quliyev iradəetməni itirib və işıq dirəyinə çırpılıb.

“Hunday Sonata” markalı maşının sürücüsü isə hadisə yerindən qaçıb. “Mersedes” markalı maşının sürücüsçü İlqar Quliyev isə ayağından zədə alıb və o xəstəxanaya aparılıb.

Hadisə ilə bağlı Səbail rayon Polis İdarəsi araşdırma aparır.

Səbail rayon istintaq şöbəsinin müstəntiqi Elnur Novruzov ANS-ə bildirib ki, şahidlər “Hunday sonata”nın “Mersedes”i vurub qaçıb və maşın işıq dirəyinə çırpılıb.

“Hazırda araşdırmalar aparılır. Sürücünün tapılması istiqamtəində işlər görüləcək. Yəqin ki, kameraların vasitəsilə onu tapmaq mümkün olacaq”, - deyə o qeyd edib. ANSPRESS