Masallı rayonunda ailə münaqişəsi zəminində silahlı insident baş verib. Bu gün saat 22:00 radələrində Masallı rayon Gənclər və İdman İdarəsinin əməkdaşı, 1955-ci il təvəllüdlü Abbas Qasım oğlu Abbasov həyat yoldaşı - 1961-ci il təvəllüdlü Zahidə Əlihüseyn qızı Ağayevanı, oğlu - 1989-cu il təvəllüdlü Xəzər Abbas oğlu Abbasovu və qardaşı - 1955-ci il təvəllüdlü Hüseyn Qasım oğlu Abbasovu odlu silahdan atəş açaraq yaralayıb.

Hər üç zərərçəkmiş Masallı Regional təcili tibbi yardım stansiyasına yerləşdirilib. Xəstəxanadan verilən məlumata görə, X.Abbasov travmatologiya şöbəsinə yerləşdirilib. Z.Ağayeva və H.Abbasov üzərində isə hazırda cərrahiyyə əməliyyatı aparılır.

Hadisəni törədən Abbas Abbasov Polis tərəfindən saxlanılıb. Faktla bağlı Masallı rayon Polis Şöbəsində və Masallı Rayon Prokurorluğunda araşdırma aparırlar. ANSPRESS