Abşeron rayonunda piyadanın ölümü ilə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən verilən məlumata görə, martın 10-da saat 21.30 radələrində, Abşeron rayonu Novxanı qəsəbəsi ərazisində, Sumqayıt şəhər sakini Azad Abdullayev “Lexus” markalı avtomaşını idarə edərkən həmyerlisi Ceyhun Behbudovu vurub.

Nəticədə, C.Behbudov aldığı ağır bədən və baş nahiyəsi xəsarətlərindən hadisə yerində dünyasını dəyişib. “Lexus”un sürücüsü saxlanılaraq ifadəsi alınıb.

Faktla bağlı Abşeron Rayon Polis Şöbəsi tərəfindən araşdırma aparılır. Hadisənin səbəbi bilinmir. ANSPRESS