Azərbaycanın Lənkəran rayonunda zəncirvari yol-nəqliyyat hadisəsi baş verib. ANS PRESS-in bölgə müxbirinin məlumatına görə, şəhərin Zərifə Əliyeva prospektində “VAZ-2107” markalı 42-BJ-595 dövlət nömrə nişanlı avtomaşın qarşı tərəfin hərəkət yoluna çıxaraq şəhər sakini Rəfaddin Kentov oğlu Məmiyevin idarə etdiyi “VAZ-2106” markalı 15-BD-133 dövlət nömrə nişanlı avtomaşınla toqquşub. “VAZ-2106” da öz növbəsində idarəetməni itirərək şəhər sakini Elçin Kamal oğlu Hüseynovun idarə etdiyi “VAZ-2106” markalı 35-BD-063 nömrə nişanlı avtomaşına dəyib. Nəticədə hər 3 maşın ciddi ziyan çəkib.

Eyni zamanda yolun piyadalara məxsus hissəsindəki bardürlər dağılıb. Hadisə yerinə gələn Lənkəran Dövlət Yol Polisinin müfəttişi Ramal Əkbərobun ANS PRESS-in bölgə müxbirinə verdiyi məlumata görə, zəncirvari qəza hadisəsi 42-BJ-595 nömrə nişanlı avtomaşınının sürücüsünün ötmə əməliyyatını düzgün aparmaması, qarşı tərəfin hərəkət yoluna çıxmaqla qəza şəraiti yaratması nəticəsində baş verib.

Qeyd edək ki, qəza şəraiti yaradan sürücü hadisə yerindən qaçdığından hələ şəxsiyyəti müəyyənləşməyib. Hazırda Lənkəran DYP onun kimliyini araşdırır.

Hadisə zamanı ölən və yaralanan olmayıb. ANSPRESS