Sabirabad rayonunda piyadanın ölümü ilə nəticələnən ağır yol-nəqliyyat hadisəsi baş verib. Sabirabad rayon Polis Şöbəsindən verilən məlumata görə, rayonun Muğangəncəli sakini, 1985-ci il təvəllüdlü Taleh Əyyam oğlu Həsənov idarə etdiyi “VAZ 2107” markalı avtomobillə rayonun Cəngən kənd sakinləri olan piyadaları vurub. Nəticədə 1964-cü il təvəllüdlü Damət Əlpənah oğlu Soltanov hadisə yerində dünyasını dəyişib, 1968-ci il təvəllüdlü Mübariz Əzizağa oğlu Vəliyev isə xəsarətlə Salyan rayon xəstəxanasına yerləşdirilib.

Sürücü piyadaları vurduqdan sonra avtomobilin idarəetməsini itirərək yolun kənarındakı dirəyə çırpılıb. Nəticədə o da xəsarət alaraq xəstəxanaya yerləşdirilib.

Qeyd edək ki faktla bağlı Sabirabad Polis Şöbəsi tərəfindən cinayət işi açılıb, araşdırma aparılır.