Bakıda gürcü kriminal avtoritet həbs edilib. ANS PRESS-in məlumatına görə, Koba Qruzinski ləqəbi ilə məşhur olan Koba Kvaxadze mənzillərin qarət edilməsində ittiham edilir. Bundan başqa, yoxlamalar zamanı K. Kvaxadzenin üzərindən heroin aşkar edilib.

Qeyd edək ki, Gürcüstan vətəndaşı olan Koba Kvaxadze 2011-ci ildən Azərbaycanda axtarışda idi. Məlumata görə, həbs edilən cinayətkar artıq 20 oğurluğu etiraf edib. Onun əsas qənimətləri isə qızıl əşyaları və ümumi məbləği 10 min manatdan artıq pul olub.