Dünən gecə Azərbaycanın Masallı rayonunda əsən güclü külək ev-təsərrüfat sisteminə ziyan dəyib. Rayon Fövqəladə Hallar Komissiyasının sədri, rayon İcra Hakimiyyəti başçısının müavini Seymur Nuriyevin ANS PRESS-ə verdiyi məlumata görə, güclü külək nəticəsində rayonun Güllütəpə kəndinin 10 kilovoltluq elektrik dirəyi aşıb və nəticədə bütün kəndə elektrik enerjisinin verilişi dayanıb. Bundan başqa, rayonun Güllütəpə və Qudman kəndlərində həyət evlərinin dam örtüyü dağılıb. Bir neçə məktəbə ziyan dəyib. Qudman kəndində könhə bir tikili tamamilə uçub.

Hazırda yaranmış problemlərin aradan qaldırılması ilə əlaqədar tədbirlər görülür.