Bu gün Azərbaycanın Goranboy rayonunun Qızıl Hacılı qəsəbəsində yerləşən “N” saylı hərbi hissədə tank yanıb. Yerli sakinlərin ANS PRESS-ə verdikləri məlumata görə, hadisə saat 11:30 radələrində baş verib.

Yanğınla əlaqədar Fövqəladə Hallar Nazirliyinin iki yanğınsöndürən maşını hadisə yerinə cəlb olunub. Yanğının nədən baş verdiyi və xəsarət alanın olub-olmaması məlum deyil.

Fövqəladə Hallar Nazirliyinin Dövlət Yanğından Mühafizə Xidmətindən ANS PRESS-ə bildirildi ki, quruma faktla bağlı çağırış edilib.

Müdafiə Nazirliyinin mətbuat xidmətinin əməkdaşı Teymur Abdullayev isə ANS PRESS-ə bildirdi ki, qurumda bu barədə məlumat yoxdur. ANSPRESS