Gəncənin Nəriman Nərimanov prospektində piyadanın xəsarət alması ilə nəticələnən yol-nəqliyyat hadisəsi baş verib. Gəncə şəhər Polis İdarəsindən verilən məlumata görə, Göygöl şəhər sakini, 1985-ci il təvəllüdlü Quliyev Sabuhi Razin oğlunun idarə etdiyi “VAZ-2106” markalı 10 KC 636 dövlət nömrə nişanlı avtomobillə yolu keçən piyada 1946-cı il təvəllüdlü Məmməd İbrahimovu vurub. Piyada müxtəlif bədən xəsarətləri ilə Gəncə şəhər Təcili Tibbi Yardım Xəstəxanasına yerləşdirilib. Onun vəziyyəti orta ağırdır.

Qeyd edək ki, xəsarət alan piyada Məmməd İbrahimov Gəncə şəhərinin baş memarıdır.