Ötən gün Quba rayonunun Digah kəndi ərazisində ölümlə nəticələnən yol qəzası baş verib. Rayon polis şöbəsindən ANS PRESS-in bölgə müxbirinə verilən məlumata görə, Quba-Qusar yolunun Qubanın Xucbala kəndi ərazisində, 23 yaşlı Nicat Ağarəhim oğlu İmamquliyev idarə etdiyi “Mercedes-190” markalı, 10 BX 424 dövlət nömrə nişanlı avtomaşın idarəetməni itirərək aşıb.

Nəticədə sürücü hadisə yerində ölüb. Onun sərnişini 1982-ci il təvəllüdlü Quba rayonu, Xucbala kənd sakini Əkbərov Aydın Firuddin oğlu ağır bədən xəsarətləri ilə Quba rayon Xəstəxanasına yerləşdirilib. Onun vəziyyətinin ağır olduğu bildirilir.

Qeyd edək ki, Nicat İmamquliyev Fövqəladə Hallar Nazirliyinin Şimal Regional Mərkəzinin Dövlət yanğından mühafizə xidmətinin əməkdaşıdır.