İngiltərədə 33 yaşlı bir kişi “Facebook” sosial şəbəkəsi vasitəsi ilə tanış olduğu 17 yaşlı qızı öldürməkdə təqsirli bilinirək 35 il müddətinə azadlıqdan məhrum edilib.

İnternetdə yerləşdirdiyi gənc oğlan şəkilləri vasitəsi ilə Aşley Hall adlı qızla tanış olan Peter Çapman daha sonra qızı qaçıraraq zorlayıb və öldürüb. Ötən ilin oktyabr ayından 17 yaşlı qızla tanış olan caninin yaratdığı profil və istifadə etdiyi ad da saxta olub. Gənc qıza 17 yaşı olduğunu bildirən Çapman Liverpulda DJ kimi fəaliyyət göstərdiyini söyləyib.

Öldürülən qızın anası isə valideynləri övladlarının “Facebook”dan istifadəsi zamanı diqqətli olmağa çağırıb.

Öz növbəsində “Facebook” sosial şəbəkəsi də məsələ ilə bağlı açıqlama yayıb. “Tanımadığınız şəxslərlə görüşməyin”,-tövsiyəsinin verildiyi açıqlamada şəbəkədə olan təhlükəsizlik tənzimləmələrindən istifadə etmək də məsləhət görülüb. ANSPRESS